نجلاء نعيم
عاجز تصد الضلمة عن نورى قادر ترد الضربة بالطعنات بلع المرار أسهل على زورى من كدب طعمه بيحلى فِ السهرات متعودة منك عَ البُعد والغيبة...
الوطن
2018-04-24
عاجز تصد الضلمة عن نورى قادر ترد الضربة بالطعنات بلع المرار أسهل على زورى من كدب طعمه بيحلى فِ السهرات متعودة منك عَ البُعد والغيبة وغريبة تيجى الوقت ده بالذات وتقول بحبك وأحسها العيبة كان جبر خاطر والا كسر الذات وازاى هاصدق فى الهوى قُربك من إمتى شوك الضنا بيطرح اللذات وانا كنت أقرب ليك فِ الأزمة والشدة لكن فِ وقت الصفا ماخطرش لك على بال القلب لسه برىء وجديد وله شدة غربلت فيه حزنك ما وقعت مِ الغربال دابت خيوط شكوتى وارتحت من مدة ولا عمرى رغم البعد قطعت بنا حبال وارث طباع السبع لكن فى روح عصفور نجلاء نعيم يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2021-02-15
عادى تيجى.. ولّا ترحل انت مش وجعى المفضل اللى قبلك قال هيبقى هو مين ف الكون بيفضل عادى يعنى لو سامعنى قل لى انت إيه تفضل؟ لو هتقلق من جروحى فهى فعلاً مش خطيرة خربش انت ف جلد روحى واقرا جملة ليك أخيرة «شاكرة جداً ع المحاولة فرصة تانية وحظ أفضل» عادى ارحل نجلاء نعيم يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2022-09-12
لو كنت ناسى إنك بشر حاول تركز وافتكر هو انت مين ملاك وعايش بجناحين ولّا انت كنت فِ الأصل طين وبنفخة من روح الإله وهبك حياة وصورة من أحلى الصور وهبك كمان عقل ولسان وقلب بيحس الأمان ويحس برضه بالخطر وادَّاك سمع وادَّاك بصر والحكمة من خلقه العبادة بس السعادة إنك تآمن بالقدر واغلط وتوب من فينا خالى من العيوب من فينا أكبر م الذنوب بس المهم إن القلوب تندم وذنبك يتغفر نجلاء نعيم يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2021-12-01
الجسم سارح ف الشوارع حُر والروح بتنزف وحدة ف الزنازين والخوف كمين بيقلعك صبرك على الدنيا وقميصك المدّارى فيه عيوبك ويفك من عمرك سنين تانية لتكون مخبى الفرح ف جيوبك ويجبرك تخفى ابتسامتك قهر ف بطاقتك وكأن لون الفرح مش منك وفوق طاقتك ولو ابتسمت ف وش الدنيا تتعفّر والخوف يزن ف لحظة ويصفّر ويفتشوك تانى.. ويقلعوك تانى يا سكر التموين نجلاء نعيم يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2018-03-20
طبيبك داب ف محاليلك وعقله احتار ف تحليلك كرات دمك صفايح شهد ومكرر ومن ضمك تظبط ضغطه والسكر ورغم فصيلتك النادرة أنا قادرة أدوق سحرك ولا أتخدر ولو عنى ف يوم تبعد تلاقى النبض يناديلك وبعد الكشف والتفحيص أنا عاجزة عن التشخيص وهاكتب لك شريط برشام يقوى ف الغرام حيلك نجلاء نعيم يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2022-08-17
أفقياً كلمة بمعنى خيانة وغدر.. كلمة مرادف بعد وهجر.. حروف متشابهة.. لفظ توجع شق الصدر ضلمة وعتمة.. زحمة وكتمة سما مخنوق بسحابها البدر رأسياً خل صديق مِ المستحيلات.. عمر وضايع عدَّى وفات حياة (معكوسة).. رشوة وكوسة فيلم بطولة قلب ومات والكلمات حل الكلمات مفضلش ولا مربع فاضى بس زمانى ليه مش راضى ينهى اللعبة كده بسكات كل حلولى عاملة مقاطعة أصل حياتى رافضة المتعة هى حياتى إيه غير لعبة أو صفحة كلمات متقاطعة نجلاء نعيم يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. «الوطن» تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2020-12-18
طب كنت إيه؟! غير استراحة ع الطريق فاتح ببانك للمسافر واللى راحل! وكنت إيه غير صدفة عابرة فِ عمرهم أو مرحلة ضمن المراحل! فِ رحلة صعبة ومتعبة طب كنت إيه غير مركبة؟! تعدى بيهم للأمان وتتهجر عند السواحل نجلاء نعيم يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2022-06-05
أمى اللى لافة الشمس ف حجابها شايفاها لسه الحلوة ف شبابها فاردة دراعها الحضن يجمعنا ومقسمة لنا الحب وتضحى بمنابها تغنى ننسى الحزن ونعيش فى حدوتة واِن جعنا تعجن حب فى إيديها بسكوتة وتصب من عمرها تسقينا عنابها بإيد تطبطب دلع.. وإيد بتمسح وجع وإيد فى وقت الجد بالشدة تخلق جدع وإيد تشاور بس فتجمّع الغايبين وتغيب علينا الروح لو ليلة ف غيابها أمى اللى ضى القمر طالل على جبينها وفيها سر الرضا بين ربنا وبينها والدعوة من قلبها توصل لسابع سما تفتح لها الأبواب وتعدى حُجّابها نجلاء نعيم يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2018-08-19
بنتى اللى بتخاف م الفراولة ولا ليها قوة ولا ليها حول إزاى هتقدر يا ناس قولوا لى تقف معاكم على طرف طاولة تمسك عضام.. لحصان وجثة وتشوف لسان وسنان ولثة وتمد إيدها بالدور مناولة دى يا رب بتخاف م الكلاب وبتترعش وتاخدها مد؟ إزاى هتقدر يا الشباب تمسك خروف وتجيبه أرض؟ دى يَدوب تداوى عصفور كنارى وإن كان ضرورى حتماً لا بد تكون طبيبة لزهور وورد بنتى العنيدة ردت وقالت كل الصعاب يا أمى هانت ورسالتى إنى أكون قوية وأكون طبيبة للإنسانية سهل إنى أسمع شكوى لمريض لكن اللى أصعب من ده أكيد إنك تداوى تمنح سلام لكل عاجز عن الكلام مش أى دكتور راجل وست لازم تكون ف الأصل vet نجلاء نعيم يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2018-12-03
وبينى وبينك الشبابيك ومقفولة فمعقولة.. ؟! أعدى واحتك الخضرا وأكون حاضرة وأجهز قلبى أنا لنورك وللحضرة ولا يرضوا يعدونى وأروح وأسكت كده وأرضى لا أصلى ف المقام جنبك ولا أسجد مرة ف الروضة سلامى عليك رسول الله وبلغ شكوتى لله وقل له يا رب زارنى أحباب لكن حراسى منعهوهم يعدوا الباب نجلاء نعيم يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2020-11-21
عشان تدبح بقايا الأصل يا ريت من فضلك الأول تسنّ النصل سنين العمر مدبوحة بسكينك وباقى العمر مستنى جواب الفصل لعل ضميرك الغايب ف يوم يرجع وهمزة قطعك القاسية تحننها بألف الوصل نجلاء نعيم يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2021-12-13
أنا مركبى شارد مايعومش ف التيار وانا اللى برضو أختار لو أعوم ف تياركم وانا اللى حرفى جناح يقدر يطيّركم وأخيب ما عندى كفيل يتحدى شُطاركم بالحكمة لو يتجن وأهو ده اللى اسمه الفن نجلاء نعيم يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2022-01-11
أنا كنت تايهة ف الضلام ألفين سنة جتلك هنا جفت ف إيدى المعجزات ماملكش غير بس العصا بهش بيها الذكريات وأرميها تتحول زهور وزى كل المخلصين صدقت فيك وآمنت باللى بينكتب ف سطور عنيك شُفتك بتحيى الحب فيا بعد موته وتشفى نبض القلب من عجزه وسكوته وتشق صدر الحق وبتنطق بصوته وتمد إيدك جوة طينى تنفخنى طير ينقر سنابل دمعتك تطرح له خير فآمنت بيك صدقت فعلاً قصتك وإن انت غير خيرتنى بين جنة الإيد اليمين وبين اليسار اخترت أدخل جنتك ولقتها نار نجلاء نعيم يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2022-04-17
قلبى مرحّب باللى يزوره واللى بيرحل عنده الباب واللى بيخلص يوفى نذوره واللى يخون يمضيله غياب قلبى الثابت رغم مواجعه ياما اتمسّك بيه واتساب ما بقاش يفرق حزن معاه ولا تظهر حالته فِ واتساب نجلاء نعيم يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2022-07-20
الأولة كان الولا أبو قلب راهب فِ الخلا سماها غالية/ وفِ عينها كان هو الغلا / خد من عينيها الطيبين ضىّ البراءة والحلا وبشهدهم حلف اليمين وصب كاسهم واتملا كم قالها / انتى أنا.. والبت كافرة بالغرام وفِ لحظة آمنت بالولا عدت لياليها السمان بالظبط سبعة وأما ابتلاها بالعجاف من بعد شبعة رضيت وصبرت ع البلا البت نعسة ومسها ضر القلوب وعشان ما تغسل ذنبها لازم تتوب البت شهدت للوجع له أسلمت جمعت تراب أيوب ومنه اتيممت ولما أدّن الهجر فيها كان ضِله سجادة صلا نجلاء نعيم تشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2022-03-31
بتشرب بس ف دموعهم كأنك بنج وبتسكّن مواجعهم تعيش شنطة على ضهورهم سنين وسنين يعبوا فيها أحزانهم وإحساسهم.. لناس تانيين وتتمنى يجيهم يوم يسدولك قليل م الدين فيستنوا عليك غلطة ويرموك برضو كالشنطة لكن مفيهاش كتاب الدين نجلاء نعيم يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال:
الوطن
2022-01-30
فوق القصيدةِ أرتحلْ روحٌ تفرُّ من الحروفِ إلى الورق لله عبدٌ فى هواىَ متيمٌ يا مؤمنٌ.. بالنار شوقاً تحترق لك نصفُ منى ونصفُ منك يُتمْنى وكأننا الشطران حباً.. نلتصق فابسط لقلبى جناحَ حلمٍ بالهوى دعنى أغازلُ من لياليك الأرق واتلُ علىَّ ما كفرتَ من النساء ترقيك عينى بالناس دوماً والفلق نجلاء نعيم يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي [email protected] ...قراءة المزيد
الكلمات المفتاحية المذكورة في المقال: