مستشفى الصفا الخاصة

كتب ـ رمضان يونس: ساعات قليلة، ويّمثل اللاعب رجب عمران أمام محكمة جنح إمبابة بالجيزة، عقب إحالته للمحكمة، في واقعة اتهامه بقتل عن طريق الخطأ عامل بوزارة الزراعة وتاجر أنابيب وإصابة آخر، على طريق الوراق أوسيم أمام مستودع الأنابيب بقرية الحرفيين. وفق أوراق الدعوى، التي حصل "مصراوي" على صورة طبق الأصل منها، فإن أقوال اللاعب "رجب عمران"، في تحقيقات النيابة العامة جاءت كالتالي: ج: اسمي رجب خالد شعبان علي، سني 29 سنة، أعمل لاعب كرة قدم. ج: أيوة حصل وده كان غصب عني. ج: محصلش. ج: أيوه ده كان غصب عني. ج: اللي حصل إن أنا كنت ماشي بالعربية بتاعتي ناحية مستشفى أبو حواء في حوالي الساعة 9 مساءً فوجئت بمطب أمامي ولم أتمكن من السيطرة على السيارة، وقمت بتخطي المطب وفوجئت بتروسيكل أمامي. حاولت أتفاداه وفوجئت بوجود سيارة أمامي محملة بالأنابيب ودراجة نارية (تروسيكل)، فقمت بالاصطدام به عن طريق الخطأ. تم نقلي إلى مستشفى أبو حواء لتلقي الإسعافات الأولية، وبعدها إلى مستشفى الصفا الخاصة للعلاج. بعدها سلمت نفسي إلى المركز وعرضوني النهاردة على النيابة. ده كل اللي حصل. ج: الكلام ده حصل امبارح 4 ديسمبر 2024، الساعة 9 مساءً على طريق المناشي أمام مستودع الأنابيب بأوسيم ج: أنا كنت لوحدي. ج: أنا كنت جاي من كوبري القبة من شغلي ومروح بلدي سنتريس أشمون. ج: أنا زي ما قلت قبل كده، كنت ماشي بالعربية وكنت سابق العربية بتاعتي بناحية مستشفى أبو حواء بأوسيم في حوالي الساعة 9 مساءً، فوجئت بمطب أمامي ولم أتمكن من السيطرة على السيارة. قمت بتخطي المطب وفوجئت بتروسيكل أمامي، وحاولت أتفاداه، لكن فوجئت بوجود سيارة أمامي محملة بالأنابيب ودراجة نارية (تروسيكل)، فقمت بالاصطدام به عن طريق الخطأ. ج: أنا كنت ماشي عادي جدًا، أقل من 60 كيلومترًا في الساعة. ج: هي ملكي أنا. ج: هو طريق أسفلتي، الإضاءة فيه منعدمة وضعيفة. مكان وقوع الحادث كان في ناحية اليمين مستودع أنابيب، وكان فيه تروسيكل معدي الطريق. حاولت أتفاداه، وأول لما تفاديته لقيت عربية ناحية اليمين محملة بالأنابيب، وبعدها لقيت تروسيكل واقف من ناحية الشمال على الطريق الأسفلتي جنب عربية الأنابيب. ج: كانت الإضاءة ضعيفة جدًا ومعتمة، وما شفتش المطب. ج: كنت ماشي وما شفتش حد على التروسيكل منهم خالص. ج: أيوة، فرملت علشان أحاول تفادي الحادث. ج: لا، ملحقتش. ج: أيوة، حصل تلفيات بالعربية بتاعتي. ج: لا يا فندم. ج: أيوة حصل، وده كان غصب عني. أخلت جهات التحقيق سبيل اللاعب بكفالة مالية قدرها 100 ألف جنيه بعد عرضه على لجنة مكافحة وعلاج الإدمان. أظهرت التحاليل أن عينة اللاعب سلبية ولا يتعاطى أي مواد مخدرة أو مسكرات. حددت محكمة الجنح المختصة بالجيزة جلسة 1 يناير المقبل لبدء محاكمة رجب عمران في تهمتي القتل الخطأ والإصابة الخطأ. وجهت النيابة العامة التهم بناءً على التحقيقات، مؤكدة أن الحادث وقع نتيجة الإهمال.